Gwobr Hir Wasanaeth

Mae amaethyddiaeth ar Ynys Môn wedi'i hadeiladu ar waith caled, ymroddiad ac ymdeimlad cryf o gymuned. Bob blwyddyn, mae Cymdeithas Amaethyddol Môn yn falch o gyflwyno'r Wobr Hir Wasanaeth i gydnabod unigolion sydd wedi rhoi blynyddoedd lawer o'u hamser, eu hegni a'u hymroddiad i'r diwydiant amaethyddol a bywyd cefn gwlad ar yr ynys.

Mae'n debyg eich bod yn adnabod rhywun sy'n haeddu'r gydnabyddiaeth arbennig hon – rhywun sydd wedi gweithio'n ddiflino, wedi cefnogi eraill, ac wedi gwneud gwahaniaeth gwirioneddol i amaethyddiaeth yn ein cymuned.

Os felly, rydym yn eich annog i'w henwebu.

Mae ffurflenni enwebu ar gael drwy Swyddfa'r Sioe, a bydd y dyddiad cau ar gyfer enwebiadau'r flwyddyn nesaf yn cael ei gyhoeddi maes o law.

Noddir y wobr yn garedig gan C'N'G Cefn Gwlad – Farm and Country.