top of page

Sioe Sir Fôn 

Beth Sydd Ymlaen yn y Sioe?

Gwybodaeth i Ymwelwyr

Edrychwn ymlaen at eich croesawu i Sioe Môn! Isod fe welwch bopeth sydd ei angen arnoch i gynllunio'ch ymweliad a gwneud y gorau o'ch amser ar faes y sioe.

​

Cyrraedd Maes Sioe Môn

  • Mae Maes Sioe Môn wedi ei leoli ym Mona, ger Gwalchmai, ar yr A5 – dim ond 3.8 milltir o Gyffordd 6 yr A55. Defnyddiwch y cod post LL65 4RW ar gyfer Systemau Llywio â Lloeren (‘Sat Nav’)

  • Gweld lleoliad ar Google Maps ( https://maps.app.goo.gl/qNfYSZ6CVvDmZhkC7 ).

  • Mae parcio am ddim ar gael ar y safle, gyda stiwardiaid wrth law i'ch cyfeirio.

  • Gall ymwelwyr sy’n dod o ochr Llangefni barcio ar Stad Ddiwydiannol Mona, lle bydd gwasanaeth Bysiau Wennol yn rhedeg drwy’r dydd i Faes y Sioe – o 8am tan 9pm ddydd Mawrth, ac o 8am tan 6pm ddydd Mercher

 

Cŵn

Mae croeso i gŵn sy’n ymddwyn yn dda ar faes y sioe ond rhaid iddynt fod:

  • Wedi eu cadw ar dennyn bob amser

  • A’u perchnogion yn glanhau ar eu hôl bob amser

 

Sylwer - Ni chaniateir cŵn yn yr ardaloedd canlynol:

  • Adeilad Cadarn (sied wartheg)

  • Pafiliwn Siopa Jones Brothers

  • Neuadd Fwyd Leprino

  • Pabell Cynnyrch

  • Pabell Dofednod

  • Pabell Moch

  • Pob Ardal Bwyd

  • Pabell yr Aelodau

​

Cymorth Cyntaf

Darperir gwasanaethau cymorth cyntaf gan Medic 1.

Mae’r Cymorth Cyntaf wedi'u lleoli yn Adeilad y CFfI, ger y Cylch Gwartheg a'r Cylchoedd Cefn Ceffylau Ysgafn.

 

Plant Coll a Phobl Bregus

Os bydd plentynneu berson bregus yn cael ei wahanu oddi wrth ei grŵp:

  • Hysbyswch Stiward Sioe, Swyddog Diogelwch, neu Swyddog Heddlu ar unwaith.

  • Bydd yr Heddlu yn arwain wrth aduno unigolion yn ddiogel.

  • Arhoswch yn y lleoliad nes bydd help yn cyrraedd.

  • Gallwch hefyd adrodd i Swyddfa'r Sioe ger y Prif Gylch, lle bydd cefnogaeth yn cael ei gydlynu.

 

Arlwyo a Bariau

Mae amrywiaeth eang o ddewisiadau bwyd a diod ar gael ar draws maes y sioe:

  • Pabell yr Aelodau: Bwyty a bar ar gyfer Aelodau ac Is-lywyddion.

  • Bwyty Stockman’s (tu ôl i Pafiliwn Jones Brothers): Yn gweini brecwast a phrydau i’r cyhoedd, arddangoswyr ac aelodau

  • Bar Cyhoeddus: Wedi'i leoli yn Ardal Adloniant Y Cowt

  • Unedau Arlwyo Symudol: Dewis eang o fyrbrydau, brechdanau, diodydd a hufen iâ

 

Golchi dwylo

Cynghorir yn gryf i ymwelwyr sy'n dod i gysylltiad uniongyrchol ag anifeiliaid olchi dwylo'n drylwyr cyn bwyta ac ar ôl bwyta.

Mae gorsafoedd golchi dwylo wedi'u lleoli ger ardaloedd da byw ac ardaloedd bwyd.

 

Cyfleusterau Newid Babi

Bydd cyfleusterau ar gyfer newid babanod a bwydo yn cael eu lleoli ar y map.

Darperir a chynhelir y cyfleusterau hyn trwy gydol y sioe.

 

Toiledau

Mae toiledau wedi’u lleoli o amgylch maes y sioe, gyda:

  • Cyfleusterau mynediad i'r anabl mewn mannau allweddol

  • Arwyddion a stiwardiaid i gynorthwyo gyda chyfarwyddiadau

 

Tocynnau Gofalwyr ac Ymwelwyr Anabl

Gellir ychwanegu tocyn gofalwr ar-lein wrth brynu tocyn oedolyn.

Bydd angen uwchlwytho tystiolaeth, a bydd hyn yn cael ei adolygu cyn ei gymeradwyo.

Yn dilyn adborth o’r llynedd, nid oes bellach ddyddiad cau — gellir gwneud cais hyd at ddiwrnod y Sioe.

Am unrhyw ymholiadau, cysylltwch â:

info@angleseyshow.org.uk

 

Sgwteri Symudedd a Hygyrchedd

Bydd Byw Bywyd – Living Life Cyf unwaith eto yn darparu’r canlynol:

  • Sgwteri symudedd

  • Cadeiriau olwyn – gyda chymorth â llaw 

 

Mae'r rhain ar gael i'w harchebu ymlaen llaw yn unig trwy:

📞 01286 830 101

📧 post@byw-bywyd.co.uk

Mae gwelliannau hygyrchedd yn cynnwys lôn darmac ger y Prif Gylch er mwyn hwyluso symudedd.

 

Iechyd a Diogelwch

Rydym am i bawb fwynhau'r sioe yn ddiogel. Gofynnwyn yn garedig i chi:

  • Cymryd cyfrifoldeb am eich iechyd a diogelwch eich hun ac eraill

  • Rhowch wybod am unrhyw beryglon ar unwaith i Stiward Sioe neu yn Swyddfa'r Sioe ger y Prif Gylch

 

Atebolrwydd Trydydd Parti

Nid yw Cymdeithas Amaethyddol Môn, ei swyddogion, na’i gwirfoddolwyr yn derbyn unrhyw gyfrifoldeb am:

  • Difrod neu golled i eiddo personol

  • Anaf (angheuol neu fel arall) i unrhyw berson tra ar y safle

  • Arddangoswyr yn unig sy’n gyfrifol am unrhyw golled, anaf, neu ddifrod a achosir gan anifeiliaid, eiddo, neu eitemau a ddygir i faes y sioe, ac maent yn cytuno i indemnio’r Gymdeithas yn erbyn hawliadau cysylltiedig.

 

Trefniadau Bioddiogelwch

Yn unol â rheoliadau APHA, gofynnwn i bawb ein helpu i gynnal safonau uchel bioddiogelwch. Ein harwyddair: “Byddwch yn lân a chael eich gweld i fod yn lân”

​

  • Bydd mynediad i ardaloedd da byw carnaflawg trwy fatiau diheintio

  • Sicrhewch fod eich esgidiau i'w gweld yn lân wrth fynd i mewn ac allan

  • Bydd brwshys a diheintydd ar gael mewn mannau mynediad

  • Gofynnir yn garedig i’r cyhoedd beidio â chyffwrdd â’r anifeiliaid

 

Mae eich cydweithrediad yn sicrhau y gallwn barhau i arddangos da byw yn ddiogel yn y sioe.

bottom of page